Лаешта педагогларны хөрмәтләделәр

Тамашачылар залына керү урынында кунакларны педагоглар осталыгы вернисажы каршылады, ул көзге төсләрдә һәм күп төрле, талантлы педагогия хезмәте осталары иҗаты исләр китәрлек иде.

Килгән педагогларны Лаеш район башлыгы Илдус Зарипов һөнәри бәйрәмнәре белән котлады. 

-Укытучы — иң абруйлы, иң хөрмәтле, кулларында киләчәгебез булган яшь буында белемнәр базасын формалаштыручы, күзаллауларын үстерүче кеше. Агымдагы елның Укытучылар һәм остазлар елы дип игълан ителүе юкка түгел. Районда балалар саны арта: мәктәпләребездә җиде меңнән артык бала укый һәм өч меңнән артык бала балалар бакчасына йөри. Дәүләт ярдәме белән яңа, заманча белем бирү һәм мәктәпкәчә тәрбия бирү учреждениеләре, шулай ук спорт объектлары төзелә. Мәсәлән, Кече Кабанда 260 урынга балалар бакчасы төзү программага кертелде. Район динамик үсүне дәвам итә. Барлык программалар эшли һәм без Усадыда 1500 урынга яңа мәктәп төзелүенә ышанабыз, документлары республиканың беренче заты — Рөстәм Миңнеханов каравында.

Монда килүчеләрнең барысы үзләрен һөнәргә багышлаган кешеләр.
Балаларга белем бирү өчен күп белү белән бергә аны балаларга җиткерә белү дә мөһим. Укытучы — бу эш кенә түгел, бу талант, бу осталык, бу ярату, бу иҗат һәм фантазия, бу ватанпәрвәрлек тәрбияләү, бу хезмәткә җаваплы караш һәм үз тарихыңны белү. Без бүген кадерле укытучыларыбызны һөнәри бәйрәмнәре белән котлыйбыз. Без үз тарихыбыз белән, үзбезнең талантлы кешеләребез белән горурланабыз һәм яшь буынны тәрбияләү эшендә хезмәттәшлекне дәвам итәрбез.

Сәхнәдә Россия Федерациясе бүләкләре биш педагогка, Татарстан Республикасы бүләкләре — 31, ә Лаеш районы бүләкләре һәм мактаулары 35 педагогия хезмәткәренә тантаналы төстә тапшырылды.

Ветераннарны да билгеләп үттеләр. Һөнәргә тугрылык һәм мәгариф өлкәсендә озак еллар намуслы хезмәтләре һәм үсеп килүче буынга тәрбия бирүдәге тырышлыклары өчен «Икесенә бер һөнәр» проекты кысаларында ветераннарның ике гаиләсен Илдус Зарипов котлады. Бертуган Хафизовларның эш стажы: Рафик Салих улы һәм Гөлсинә Сәлмәнфариз кызы, шулай ук Рәшит Салих улы һәм Ризеда Хәйдәр кызының һәр гаиләгә 87 ел тәшкил итә.

Район мәгариф идарәсе начальнигы Лия Хөсәенова мәгариф өлкәсенең барлык хезмәткәрләрен бәйрәм белән котлады һәм 47 бүләк тапшырды. Ул мәгариф өлкәсенә килеп район педагогларының тату коллективына кушылган 11 яшь белгеч белән таныштырды. Педагогларның яңа буыны үз юнәлешләрен билгеләде һәм үсеп килүче буын иминлегенә эшләү турында ант иттеләр.

Тантаналы өлеш талантлы яшь һәм өлкән артистларның номерлары белән үрелеп барды. Бәйрәм атмосферасы, укытучылар һәм тәрбиячеләрне ихлас котлаулар онытылмас тәэсирләр калдырды.