«Милләт хәзинәләрен» эзләү дәвам итә

Сменада катнашучылар беренче көнне үк «Йолдызлы яңгыр» дип исемләнгән концерт уздырдылар. Балаларның талантлары күп — алар бик яхшы җырлыйлар, бик яхшы бииләр һәм музыка коралларында уйныйлар.

Аннары сменада катнашучылар арасында иң яраткан конкурсларның берсе — «Идел моңы-2025» узды. Бу традицион җыр бәйгесендә Удмуртиядән Ралина Габделфәртова һәм Казахстаннан Раиф Бикбов җиңде. Аерым номинацияләрдә башка яшь артистлар да билгеләп үтелде. Алар барысы да югары дәрәҗәдәге башкару осталыгын күрсәттеләр.

Смена вакытында балалар махсус хәрби операциядә катнашучылар белән очрашты. Р.Х., А. У. һәм Д. Г. батырларча сугышканнар һәм Батырлык ордены белән бүләкләнгәннәр. Кунаклар тәҗрибә һәм хезмәтләре турында уртаклаштылар. Алар Ватанга мәхәббәт, намус һәм җаваплылык кебек мөһим төшенчәләрне ачтылар. Бу очрашу чын батырлык дәресе булды.

Икенче көнне балалар Татар мифологиясе дөньясына чумдылар. Яшүсмерләр мифология турында мавыктыргыч лекция тыңладылар. Аннары мифик персонажлар лагерь территориясендә яшеренгән квестка китте. Балаларга аларны эзләп табарга һәм биремнәрне үтәргә кирәк иде.
Сменада катнашучылар бик күп уңай тәэсирләр һәм яңа белемнәр алдылар.
Фото «Идел» яшьләр үзәге