Музейда һәрвакыт кунаклар күп

Безнең шәһәр турында Россиядән читтә дә беләчәкләр. Күптән түгел Г. Р. Державин исемендәге Лаеш ягы музеенда Ташкент шәһәрендә (Үзбәкстан) яшәүчеләр булды.
Шулай ук безнең шәһәргә Ульяновск өлкәсенең Димитровград шәһәреннән туристлар килде. Сүз уңаеннан, Татарстан белән Ульяновск өлкәсен уртак чик кенә берләштерми. Күрше төбәктә Лаеш авылыннан Идел агымы буйлап түбәнгә күчеп килгән казаклар нигез салган Лаеш авылы бар. Музейдан тыш, маршрутка мозаика үтү буенча мастер-класс, Троица чиркәвенә, «Зәйнәп» Җәмигъ мәчетенә, «Семрук» кинодекорация поселогына бару керде.

Шундый ук бай программа белән шәһәребезгә Чаллыдан килгән ял көне төркемен һәм Казанның 12нче мәктәбе укучыларын каршы алдылар.

Әмма Лаеш халкы да үз шәһәренең тарихы белән кызыксына. Туган як тарихын өйрәнүгә яшьләрнең җәлеп ителүе аеруча күңелле. Мәсәлән, кичә музейга Лаеш техник-икътисадый техникумының беренче курс студентлары килгән иде. Алар өчен музей буйлап экскурсия үткәрелде, шул вакытта алар төбәк тарихы һәм көнкүреш әйберләре белән таныштылар.
Фото: Г. Р. Державин исемендәге Лаеш ягы музее