Ничә яшьтә ешрак никахлашалар?

Статистика күрсәткәнчә, гаилә кору активлыгының пигы 20 белән 40 яшь аралыгына туры килә. Нәкъ менә бу яшьтә күпчелек кеше гаилә кору турында карар кабул итә һәм мөнәсәбәтләрен рәсми рәвештә теркәп куя.

Экспертлар билгеләп үткәнчә, Россиядә никахка керүнең уртача яше акрынлап арта бара: элек кызлар ешрак 18–24 яшьтә кияүгә чыкса, ә ир-атлар — 23–30 яшьтә өйләнгән булса, хәзер бу чикләр киңәйде һәм күбрәк парлар гаилә коруны 30 яшькә якынрак вакытка калдыруны өстен күрә.Лаеш районында да бу тенденция гомумроссиянекенә охшаш: яңа өйләнешүчеләрнең күпчелеге — 20 яшьтән 40 яшькәчә булган кешеләр.

Бу тормыш өстенлекләренең (приоритетларының) үзгәрүе, гаилә корганчы белем алырга, карьера төзергә һәм финанс тотрыклылыгына ирешергә омтылу белән бәйле. Шундый булуга карамастан, яшькә карамыйча, мәхәббәт һәм бергә булу теләге никахка керүнең төп сәбәбе булып кала.

Кызыклы факт: ир-атлар арасында да, хатын-кызлар арасында да бу яшь диапазоны мөнәсәбәтләрне теркәү өчен иң сорала торганы булып кала һәм, белгечләр фаразлавынча, әлеге тенденция якын елларда да сакланачак.