Россиядә беренче тапкыр уздырыла торган Космос атналыгы ил буенча меңнән артык чараны берләштерәчәк

 2026 елда Россия бу вакыйганың 65 еллыгын билгеләп үтә: Президент Владимир Путин Указы нигезендә, 6 апрельдән 12 апрельгә кадәр беренче тапкыр Космос атналыгы уза. Фән һәм технологияләр унъеллыгы кысаларында ил буенча фәнне, мәгарифне һәм мәдәниятне берләштергән меңнән артык чара оештырылачак.
Космос атналыгының төп вакыйгалары
6 апрель — мәктәпләрдә бөтенроссия акциясе. «Мөһим нәрсәләр турында сөйләшү» («Разговоры о важном») дәресендә укучылар ватан космонавтикасы тарихы, бүгенгесе һәм космонавт булу юллары турында беләчәкләр.
7 апрель — Мәскәүдәге В.В. Терешкова исемендәге Милли космос үзәге беренче тапкыр ишекләрен киң җәмәгатьчелеккә ачачак. Биредә экспертлар катнашында мастер-класслар һәм иҗади очрашулар үтәчәк.
9 апрель — «Россия» милли үзәгендә беренче Россия Космос форумы узачак. Дәүләт, фән һәм бизнес вәкилләре тармакның киләчәге турында фикер алышачак.

Программада нәрсәләр каралган?
Атналык программасы үз эченә түбәндәгеләрне ала:
• космонавтлар белән телемостлар;
• техника һәм артефактлар күргәзмәләре;
• нәфис һәм документаль фильмнар күрсәтү;
• музыкаль концертлар, квизлар һәм дроннар шоуы.

Төбәкләрдән мисал
2026 елның 9 апрелендә Космос атналыгы кысаларында Г.Р. Державин исемендәге Лаеш ягы музее хезмәткәрләре 1нче гимназиянең 4 «А» сыйныфы укучылары өчен «Җирдән чиксезлеккә кадәр сәяхәт» дигән чара үткәрделәр. Балалар викториналарда, уеннарда катнаштылар, атмосфера төзелеше, космос күренешләре һәм аның Җир өчен роле турында күп яңа мәгълүмат алдылар.

Шулай ук 4 «Б» сыйныфы укучылары өчен дә фантастик сәяхәт оештырылды: алар космоста көн белән төн бармы, орбитадагы вакыт Җирдәге вакыттан нәрсә белән аерыла икәнлеген белделәр.
Космос атналыгы — ул фән турында гына түгел, ә хыял, илһам һәм буыннар бердәмлеге турында да. Бөтен ил буенча уза торган чараларга кушылыгыз!