Сабантуй үзендә борынгы традицияләрне һәм заманча күңел ачуларны берләштереп, кабатланмас шатлык һәм бердәмлек атмосферасы тудыра.
Фото авторы — Денис Фролов.
Сабантуй катнашучыларның көчен, җитезлеген һәм зирәклеген сынаучы традицион ярышлары белән дан тота. Балалар һәм өлкәннәр өчен капчык киеп йөгерү, бүрәнәдә капчык белән көрәшү, аркан тартышу, приз артыннан баганага менү кебек күңелле конкурслар үткәрелә.
Понида атыну – Сабантуй кунакларының иң яраткан күңел ачуларының берсе. Матур бизәлгән понилар балаларны әйләнә буйлап йөртә, аларга бик күп уңай хис-кичерешләр бүләк итә. Бу Сабантуйны бөтен гаилә өчен онытылмаслык вакыйга итә.
Сабантуйда сәүдә рәтләре җәелдереде, анда традицион сувенирлардан һәм халык кәсепләреннән алып тәм-томнарга кадәр төрле товарлар сатып алырга мөмкин. Биредә чигелгән сөлгеләр, агач уенчыклар, балчык савытлар табарга, шулай ук мастер-классларга барырга мөмкин. Сәүдә рәтләре ярминкә атмосферасын тудыра һәм бәйрәмгә колорит өсти.
Сабантуй татар халкының мәдәнияте һәм традицияләре белән бәйле тарихи вакыйгаларга багышланган театральләштерелгән прологтан башланды. Тарихи пролог тамашачыларга бәйрәм рухына чумарга, тамырлары турында искә төшерергә һәм буыннар элемтәсен ныгытырга ярдәм итә.
Сабантуй-төрле яшьтәге һәм төрле милләт кешеләрен берләштерүче, шатлык һәм яхшы кәеф бүләк итүче, шулай ук халык традицияләрен саклауга һәм популярлаштыруга ярдәм итүче бәйрәм ул.
Нет комментариев