«Студентлар стартапы» фонды татарстанлыларны бизнес алып барырга өйрәтәчәк

Инновацияләргә ярдәм фонды 3 апрельдә «Студентлар стартапы» конкурсына гаризалар кабул итүне тәмамлады. Бөтен Россиядән барлыгы 4 меңнән артык гариза бирелгән, дип хәбәр итте вице-премьер Дмитрий Чернышенко. Гаризалар саны буенча Татарстан лидер булды - республика студентлары 1,5 меңгә якын гариза җибәргән.

Сайлап алудан соң, 2023 елда бөтен илдән 1,5 мең студент 1 млн сум күләмендә ярдәм ала алачак. Конкурс шартлары буенча җиңүчеләр юридик затны теркәргә, бизнес-план төзергә һәм стартап сайтын булдырырга тиеш булачак. “Минем бизнес” үзәге булачак эшмәкәрләрне үз бизнес-проектларын һәм бухгалтерия эшен алып барырга, финансларны бүлешергә өйрәтәчәк.

Программада катнашучыларны сайлап алу җиде тематик юнәлеш буенча үткәрелде: санлы технологияләр, медицина һәм сәламәтлекне саклау технологияләре, химик технологияләр һәм яңа материаллар, яңа приборлар һәм интеллектуаль җитештерү технологияләре, биотехнологияләр, ресурсларны саклау энергиясе һәм иҗади индустрияләр.

Инновацияләргә ярдәм фонды Россия Федерациясенең цифрлы икътисады милли программасының цифрлы технологияләр федераль проекты кысаларындагы грант ярдәме чаралары операторы булып тора.

Үзәк шулай ук «Студентлар стартабы» программасының финалистларын технологик эшкуарлык экспертларыннан белем алу һәм остазлык аша технологик предприятиеләргә әзерли.