Россия Социаль фондының Татарстан Республикасы бүлеге югары уку йортларында һәм көллиятләрдә көндезге формада белем алучы студент кызларга йөклелек һәм бала табу буенча пособие билгели. Түләү күләме, айга исәпләнгән хисаптан чыгып, хезмәткә сәләтле булган халык өчен төбәкнең яшәү минимумының 100%ын тәшкил итә.
2026 елның 1 гыйнварыннан Татарстанда бу күрсәткеч 17 547 сум күләмендә билгеләнгән. Шулай итеп, түләүләр күләме түбәндәгечә булачак:
- Стандарт очракта (ял дәвамлылыгы 140 көн булганда) – 81 886 сум;
- Катлаулы бала табулар очрагында (ял 156 көнгә кадәр озайтылганда) – якынча 91 244,40 сум;
- Күп балалы йөклелек вакытында (194 көнлек отпуск белән) – гомуми күләме 113 470,60 сумга җитәчәк.
“Түләүне рәсмиләштерү өчен медицина оешмасыннан эшкә сәләтсезлек чорын раслый торган белешмә, шулай ук уку йортыннан белешмә бирергә кирәк. Мәгариф оешмасы белешмәсендә аның исеме, фамилиясе, исеме һәм атасының исеме, туган көне, көндезге формада укуы турында белешмәләр күрсәтелергә тиеш”, – диде Татарстан Республикасы буенча Социаль фонд бүлеге идарәчесе Эдуард Вафин.
Шунысы мөһим: гаризаны йөклелекнең 30нчы атнасыннан да иртәрәк бирергә ярамый. Күп балалы йөклелек очрагында 28нче атнадан мөрәҗәгать итәргә мөмкин. Гариза бирү өчен күрсәтелгән ике белешмә дә булырга тиеш.
Документларны тапшыру ысуллары:
- «Госуслуги» порталы аша;
- «Мои документы» (МФЦ)ның теләсә кайсы үзәгендә;
- Россия Социаль фондының Татарстан Республикасы буенча бүлегенең клиент хезмәтендә шәхсән.
Социаль ярдәм чаралары, түләүләр һәм Россия Социаль фондының Татарстан Республикасы бүлеге хезмәтләре турында тулы һәм дөрес мәгълүматны СФР рәсми сайтында, шулай ук социаль челтәрләрдәге MAX, ВКонтакте, Одноклассники һәм Телеграм рәсми аккаунтларында табарга мөмкин.
Өстәмә мәгълүмат яки консультация алу өчен бердәм контакт-үзәк операторларына мөрәҗәгать итә аласыз: 8 800 100 0001 (төбәк линиясе тәүлек буе — 24/7 эшли, шалтырату бушлай).
Нет комментариев