Лаеш районында әйләнә-тирә мохитне төзекләндерү һәм саклау буенча икеайлык дәвам итә.
Хәерби укучылары бу мөһим чарага актив кушылдылар.
Балалар бергә җыелдылар, тырма һәм себерке ярдәмендә узган елгы яфракларны һәм чүп-чарны җыеп алдылар, аннары барысын да капчыкларга салдылар. Моннан тыш, укучылар чәчәк түтәлләренә игътибар иттеләр, аларны яңарттылар.
«Әйләнә — тирәдәге чисталык безнең һәрберебездән тора», — дип ассызыкладылар акциядә катнашучылар. Алар әйләнә-тирә мохитне яхшыртуга шәхси өлеш кертүнең мөһимлеген билгеләп үттеләр.
Әлеге чара мәктәп территориясенең тышкы күренешен яхшыртып кына калмады, балаларны да берләштерде.
Фото: https:// t.me/laishevoofficial
Нет комментариев