Ел нәтиҗәләрен халык белән очрашуда ясадылар.
Территорияләрне төзекләндерү һәм җирлектә яшәүчеләрнең тормыш сыйфатын яхшырту буенча башкарылган эшләр турында аның башлыгы Рушан Зотин сөйләде.
Үзара салым программасы үзенең нәтиҗәлелеген кат-кат раслады. 2024 елда җыелган акчалар Мирәтәк авылындагы урамнарны яктыртуга һәм Чирпы авылындагы Приовражная һәм Заводская урамнарына вак таш түшәүгә тотылачак.
Имәнкискә авылы мәдәният йортында 2023 елдан махсус хәрби операциядә катнашучы сугышчылар өчен маскировка челтәрләрен үрү пункты эшли. Гуманитар йөк белән 150дән артык челтәр әзерләп озатылган инде.
«Үзебезнекеләргә ярдәм» хәйрия фонды катнашында Имәнкискә авылында мобилизацияләнгән егетнең әнисе йортының түбәсе ремонтланган. Чирпы авылыннан өч сугышчының әти-әниләренә утын бирелгән. МХОда катнашучыларның гаиләләренә ярдәм агымдагы елда да дәвам итәчәк.
Рушан Зотин авыл хезмәтчәннәренә рәхмәт белдерде һәм бердәм команданың тырышлыгы халык иминлегенә һәм Чирпы авыл җирлеге үсешенә ярдәм итә дип билгеләп үтте.
Ярослав Николаев Лаеш районы халкына диспансеризация үткәрү турында сөйләде.
Илдус Зарипов, Лаеш районында яшәүчеләрнең санын 75 меңгә җиткерү һәм территориаль инфраструктураны үстерү турында сөйләде, ахырда актив авыл хезмәтчәннәренә рәхмәт хатлары тапшырды.
Нет комментариев