Чаралар Өлкәннәр унлыгына багышланган иде.
Лаеш районында «Алтын көз» социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлеге хезмәткәрләре, «Беренчеләр хәрәкәте» вәкилләре һәм Лаеш шәһәренең 1 нче гимназиясеннән «Игелек юлы белән» волонтерлар отряды оештырган берничә урам акциясе узды.
Акцияләрнең максаты — өлкән буынга игътибар, олы яшьтәге кешеләрне бәйрәм белән котлау иде. Волонтерлар өлкәннәргә җылы теләкләр язылган открыткалар тапшырдылар. Мондый чаралар җәмгыятьтә игелек һәм хөрмәт мохитен булдыруга ярдәм итә, буыннар арасындагы бәйләнешне ныгыта һәм өлкән яшьтәге кешеләрнең тормышын яктырак һәм әһәмиятлерәк итә.
«Алтын көз» социаль хезмәт күрсәтү комплекслы үзәге, «Беренчеләр хәрәкәте» һәм «Игелек юлы белән» отряды барлык катнашучыларга һәм оештыручыларга акцияләрне үткәрүгә керткән өлешләре һәм өлкән буынга күрсәткән игътибарлары өчен рәхмәт белдерә.
Нет комментариев