Лаеш районының Усад күппрофильле лицее «Сәламәт буын»да уку-өйрәтү эвакуациясе үткәрелде.
Гадәттән тыш хәл турында хәбәр ителгәч, барлык кешеләр запас чыгу юллары аша эвакуацияләнде. Укытучылар, инструкцияне төгәл үтәп, укучыларны бинадан чыгаруларын оештырды һәм дәрестән чыгарылган балалар саны турында мәгълүмат җиткерде, шул исәптән мәктәптә булмаган укучыларны да исәпкә алды. Бу — укучылар һәм хезмәткәрләрнең иминлеген тәэмин итү эшенең мөһим өлеше.
Уку-өйрәтү эвакуациясе — мәктәптә янгын хәвефсезлеген тәэмин итү чаралары системасындагы иң мөһим, җаваплы һәм катлаулы чараларның берсе. Әлеге күнегүнең төп максаты — мәктәпнең гадәттән тыш хәл вакытында хезмәткәрләрне һәм укучыларны тиз һәм имин эвакуацияләүгә әзерлеген һәрьяклап тикшерү.
Фото: «Сәламәт буын» күппрофильле лицее
Нет комментариев