Лаеш районының яшь экологлары селекционерларның ничек эшләвен белделәр

Бу мәктәптә балаларга һәм яшүсмерләргә экологик белем һәм тәрбия бирүгә аерым игътибар бирелә. Биредә хәтта профильле эко-класс — 6 "а«бар. Алар укытучылары Елена Сәлимуллина белән бергәләп «Мин Агрога» проекты кысаларында Нармонка авылындагы Агробиотехнопаркта булдылар. Балалар өчен «Үсемлекчелек» трегында кызыклы мастер-класслар үткәрелде.

Яңа фәнни үзәктә шулай ук класс җитәкчеләре Гөлнара Евграфова белән 3 «а» сыйныф укучылары да булды. Балалар лабораториядә булдылар. Алар селекционерларның ничек эшләвен күрделәр, үзләрен бу һөнәрдә сынап карадылар. Аларга кондитер эшләнмәләрен бизәү дә бик ошады. Балаларга помидор һәм кыярларның ничек үстерелүен күрсәттеләр. Киләчәктә зур уңыш китерәчәк үсемлек орлыкларын балалар үзләре дә утырттылар.

Һәр бүлектә балалар җирле валюта — «агроакча» эшләде. Аннары «Агробанк» та алар «кертемнәр» ачтылар. Процентлар алгач, кибеткә киттеләр. Малайлар сатып алуларга бик җитди карадылар: акчаларын дөрес бүләргә тырыштылар. Өйгә канәгать, тук һәм әти-әниләренә бүләкләр белән кайттылар.
Фото: Никольский мәктәбе