«Дружба» спорт-ял итү үзәгенең каратэ секциясе тәрбияләнүчеләре өчен батырлык көне узды, алар өчен Росгвардия гаскәрләренең ОМОН спецназының Казан отряды базасы буенча экскурсия уздырдылар.
Экскурсия барышында балалар һәм аларның ата-аналары сугыш коралларын һәм махсус отрядларның хәрәкәтчән техникасын күрделәр.
Аларга шартлаткыч тапканда кинологның ничек эшләвен, саперларның нинди җиһазлары булуын һәм аларның эш методлары нинди булуын күрсәттеләр. Экскурсиянең иң мавыктыргыч өлеше — кул сугышы алымнарын күрсәтү.
Программа бай эчтәлекле һәм мәгълүмати иде. Экскурсия азагында актлар залында чын геройлар турында патриотик фильм күрсәтелде. Барысы да бик канәгать калдылар.
Фото: «Дуслык» мәдәният үзәге
Нет комментариев