Машинаны кабат исерек килеш йөрткән өчен Кзыл-Иль авылында яшәүчегә максималь штраф билгеләделәр. Һәм моның белән генә чикләнмәделәр.
«Куркынычсыз юл» махсус проекты кысаларында транспортны исерек килеш идарә иткән йөртүче эшен караган суд утырышы турында сөйлибез.
Лаеш районы мировой суды РФ гражданины булган К. исемле кешене 45 мең сум штрафка тартты һәм 1 ел да 7 айга машина йөртү хокукыннан мәхрүм итте.
2026 елның июлендә сәгать 17:50дә Кзыл-Иль авылында К. исемле граждан машинаны үтә көчле алкогольле исереклек халәтендә идарә иткән — 1,457 мг/л.
Суд К. гражданинының гаебен РФ КоАПның 12.8 маддәсенең 1 нче өлеше буенча исбатланган дип тапты. Бер ел эчендә юл хәрәкәте кагыйдәләрен кабат бозу — РФ КоАПның 12 нче бүлеге буенча берничә тапкыр җаваплылыкка тартылу җәзаны авырайтучы хәл дип танылды. Штрафны 60 көн эчендә түләргә кирәк, югыйсә бу сумма икеләтә артачак. Машина йөртү таныклыгын тапшырмаган очракта, хокуктан мәхрүм итү вакыты тукталып торачак.
Нет комментариев