Г.Тукай исемендәге «Казан» халыкара аэропортында полиция линия бүлегенең дежур частенә Казаннан Мәскәүгә очучы өч самолет пассажирының һава судносы бортында үз-үзеңне тоту кагыйдәләрен бозуы турында хәбәр килә.

Ике пассажир, 35 яшьлек Татарстан кешеләре, исерек хәлдә, авиалайнер бортында спиртлы эчемлекләр эчүне дәвам итә һәм бортпроводникларга карата төрле начар сүзләр әйтә. Тагын бер пассажир, 36 яшьлек мәскәүле һава судносы пассажирларына комачаулый, аларга сүгенү сүзләре белән мөрәҗәгать итә.

Тәртип бозучылар берничә тапкыр кисәтүләргә җавап бирмәгәч, һава судносы командиры әлеге пассажирларны очырудан баш тартырга карар кылган. Казан шәһәре аэропортындагы полиция бүлеге бинасында дебоширларга карата РФ КоАПның 20.6.1 маддәсе 1 бүлеге буенча, гадәттән тыш хәл вакытында яки аның барлыкка килү куркынычы янаганда үз-үзеңне тоту кагыйдәләрен үтәмәгән өчен, беркетмәләр төзелә һәм аларны судка җибәрәләр.

Аларның өчесе дә вак хулиганлык өчен административ җаваплылыкка тартылган, ә Татарстанда яшәүчеләр тикшерү узганнан соң тыелган урыннарда алкогольле продукция кулланган өчен дә җәзага тартылган.