Татарстанда 2024 елның 21 мартыннан 30 мартына кадәр «Чит ил йөртүчесе» оператив-профилактик чарасы уза.
Аның максаты-чит ил гражданнары шоферлары гаебе белән юл-транспорт һәлакәтләрен профилактикалау, аларның нәтиҗәләренең авырлыгын киметү.
— Максатчан чаралар үткәргәндә юл-патруль хезмәте нарядлары пассажирлар һәм халыкара йөк ташуны гамәлгә ашыручы транспорт чараларын, шулай ук чит ил теркәү билгеләре белән файдаланыла торган транспорт чараларын тикшерә. — дип шәрехли Лаеш Эчке эшләр бүлеге ЮХИДИ начальнигы Марат Шиһапов. — Моннан тыш, ЮХИДИ хезмәткәрләре җиңел таксида пассажирлар һәм багаж ташудагы хокук бозуларны кисәтү чараларын күрә.
Иң мөһим һәм кызыклы хәбәрләрне Татмедиа Телеграм каналында карагыз
Нет комментариев