Бүген Нармонка мәктәбенең икенче сыйныф укучыларына гадәти булмаган кунаклар килде.
«Перекресток» ЮИД отряды укучылары яктылыкны кире кайтара торган полосалы матур жилетлардан иде. Ә кулларына юл билгеләре төшерелгән карточкалар тотканнар.
Юидчылар кече мәктәп укучыларына юл хәрәкәте билгеләре, аларның нәрсә билгеләве, җәяүлеләргә һәм машина йөртүчеләргә ничек ярдәм итүләре турында сөйләделәр.
Ә аннары икенче сыйныф укучыларына юл билгеләре белән пазллар җыярга тәкъдим иттеләр.
Нармонка мәктәбендә менә шундый файдалы һәм кызыклы очрашу узды.
Фотоны Альбина Занина бирде.
Нет комментариев