Республика территориясендә тизлеге 21 м/с кадәр булган җил фаразлана — бу Бофорт шкаласы буенча 9 балл, ягъни штормлы җил. Әгәр җил тизлеге 31 м/с тан артса, җил давыллы дип санала.
Превью авторы Людмила Никифорова.
8 гыйнварда кичен, 9 гыйнварда төнлә һәм көндез урыны белән көтелә:
— Татарстан территориясендә тизлеге 16-21 м/с булган көчле җил, бозлавык, күз күреме 1000 м һәм аннан да азрак булып начараю белән буран, юлларда көчле бозлавык, кар боткасы, көндез урыны белән кар көртләре; төнлә һәм иртән томан; көндез юеш кар һәм яңгыр рәвешендә көчле явым-төшем.
— Казанда юлларда көчле бозлавык, кар боткасы, көндез урыны белән кар көртләре; төнлә һәм иртән секундына 16 м га кадәр җиткән көчле җил, томан; көндез юеш кар һәм яңгыр рәвешендә көчле явым-төшем.
Дуслар, юлда сак булыгыз!
Нет комментариев