Лаеш районының барлык чыгарылыш сыйныф укучыларын Соңгы кыңгырау белән котлыйбыз

Чираттагы уку елы тәмамланды, әмма ул гомуми белем бирүнең вакытлыча яңа формасы – өйдә уку белән бәйле рәвештә озакка истә калачак.

Балаларының укуы тәмамлануга барыннан да бигрәк аларның әти-әниләре шатлана. Чөнки аларның барысына да күпмедер дәрәҗәдә өстәмә рәвештә укытучы квалификациясе алырга туры килде, бигрәк тә беренче сыйныф укучыларының ата-аналарына.

Кызганычка каршы, 2020 елгы чыгарылыш сыйныф укучыларының бәйрәм линейкасы булмый, тик алар актив рәвештә смс-хәбәрләр һәм бәхетле елмаючы йөзләренең фотосурәтләре белән алмаша. Бары тик мәктәп тәрәзәләрендәге шарлар аппликациясе генә бәйрәм турында искә төшерә.

Балалар һәм ата-аналар яраткан укытучыларын сагыналар. Бәхетле очрашу бу елның 1 сентябрендә үк булыр дип көтелә.

Барыгызны да онлайн Соңгы кыңгырау бәйрәме белән котлыйбыз!