Бүген Никольское авылында республикабызның мәдәни тормышында иң зур вакыйгаларның берсе — «Каравон» рус фольклоры республика фестивале уза.
Быел фестиваль 34 нче тапкыр оештырыла. Оештыручылар беркемгә дә күңелсез булмаячак дип вәгъдә итә. Авыл территориясендә 12 тематик мәйданчык эшләячәк. Берничә сәхнәдә Россиянең төрле төбәкләреннән килгән 200дән артык фольклор коллективы чыгыш ясаячак.Тантаналы ачылышка кадәр әле бераз вакыт бар, әмма Никольскоеда халык инде күп.Сәүдә рәтләре, сувенир кибетләре эшли, артистлар чыгыш ясарга әзерләнә.
Күп кенә тамашачылар рус фольклоры бәйрәменә ел саен килә һәм монда кабат-кабат әйләнеп кайта, чөнки алар һәр елны үзләре өчен яңа нәрсәләр ача һәм бабаларыбызның традицияләре белән таныша.Киңрәк ач түгәрәгеңне, Каравон! Алда «Камская новь» укучыларын бәйрәмнән бик күп кызыклы тарихлар һәм якты фоторәсемнәр көтә.
Нет комментариев