Авыл мәдәният йортында 2024 елда җирлекнең башкарылган эшенә йомгак ясауга тулы зал җыелды.
Авторның фотосы
Җирлек халкы Лаеш районы үсеше, яңа социаль-мәдәни объектлар, юллар төзелеше, сәламәтлек саклау һәм халык мәгарифе үсеше турындагы видеомәгълүматны зур кызыксыну белән карады. Лаеш районы башлыгы Илдус Зарипов үз чыгышында бу мәсьәләләргә җентекләбрәк тукталды.
Кече Елга авыл җирлеге җитәкчесе Рәсим Хисамов җирлектә 2024 елда башкарылган эшләр турындагы нотык белән чыгыш ясады. Якташлары мәдәни эшчәнлек, мәктәп эше һәм халыкка социаль хезмәт күрсәтү белән бәйле уңай мәгълүматларга җитәкчегә кул чаптылар. Рәсим Хисамов җирлектә яшәүчеләрнең тормыш-көнкүрешенә саллы өлеш кертүче ике фермер хуҗалыгы эшчәнлеген билгеләп үтте, Шурандагы теплица хуҗалыгының эше турында сөйләде.
2024 елда үзара салым программасы буенча авыл җирлегендә юлларда чокырлар төзекләндерелгән һәм урамнарны яктырту урнаштырылган. Бу эшне 2025 елда да дәвам итәргә планлаштыралар.
Лаеш район үзәк хастаханәсе баш табибы вазыйфаларын башкаручы Ярослав Николаевның чыгышы аеруча зур резонанс уятты. Ул әле күптән түгел генә бу вазыйфага кереште, әмма районда сәламәтлек саклау үсеше белән бәйле вәзгыятьне яхшы өйрәнгән. Шуңа күрә авыл халкының барлык сорауларына да ышанычлы җавап бирде. Мәсәлән, пациентларның сорауларына тиз җавап бирү һәм авыруларны диагностикалау мәсьәләләрен яхшырту практикасын кертү планнары турында сөйләде. Моның өчен яңа медицина җиһазлары сатып алу һәм пациентларны, диагноз кую вакытын кыскарту өчен, җирле ФАПлар аша катлаулы диагностика процедураларына язу күздә тотыла. Ачыкланганча, Лаеш районында яшәүчеләрне сәламәтлек мәсьәләләре беренче чиратта борчый.
Авыл халкы шулай ук район җитәкчеләренә яшьләрнең ялын оештыруда ярдәм итүләрен сорап мөрәҗәгать итте. Җирле балаларның спорт белән шөгыльләнү өчен мөмкинлекләре аз булуына зарландылар. Ә бит милләтнең сәламәтлеге турыдан-туры шуннан тора.
Тулаем алганда, очрашу нәтиҗәле булды, җылы дустанә шартларда узды һәм инде килеп җиткән 2025 елга эш перспективаларын формалаштырырга ярдәм итте.
Тулырак итеп "Кама ягы"газетасында укыгыз.
Нет комментариев