.Игорь Комаров Идел буе федераль округында яшәүчеләрне Халыклар бердәмлеге көне белән котлады.

«Бу бәйрәм-туган җиребезгә булган мәхәббәтебезнең символы. Гасырлар буе бердәмлек һәм теләктәшлек, дуслык һәм үзара ярдәмләшү, яхшылыкка һәм тарихи дөреслеккә ышаныч безнең зур илебезне, безнең Ватаныбызны — Бөек Россияне төзеде һәм үстерде», — дип билгеләде Игорь Комаров.

Ул күпмилләтле дәүләтебезне бүген дә уртак кыйммәтләр ныгыта дип ышана. 
— Безнең көчебез шунда. Һәм хәзер, махсус хәрби операция барганда, бу хакта истә тоту аеруча мөһим, — дип ассызыклады Игорь Комаров. — ИФО халкына Ватаныбызны ныгытуга һәм тынычлык урнаштыруга үз өлешләрен кертүчеләргә рәхмәт белдерәм«, — дип өстәде тулы вәкаләтле вәкил.

Котлау сүзе азагында Игорь Комаров Идел буе халкына «ныклы сәламәтлек, ныклык һәм үзара аңлашу» теләде.