Абилимпикс илкүләм чемпионатында Татарстан җыелма командасы составында Лаеш районы вәкилләре дә катнашты.
Лаеш техник-экономика техникумы студентлары бик яхшы нәтиҗәләр күрсәтте. Алик Сагитов әзерләгән Георгий Гостев Пилотсыз авиация системаларын эксплуатацияләү компетенциясендә икенче урынны алды.
Ксения Хорькова җитәкчелегендә әзерләнгән Азалия Хөснетдинова Һава транспортында сервис компетенциясендә бронза медальгә лаек булды.
Мәктәп укучысы Егор Коненконы Пилотсыз очу аппараты операторы компетенциясенә Билалуддин Худойдодов әзерләде. Егор өченче урынны яулады.
Абилимпикс - ярыш кына түгел.
Инвалидлыгы булган яшьләр өчен ул һөнәр алу һәм үз көченә ышаныч туплау мөмкинлеге. Оештыручылар мәгълүматлары буенча, илкүләм чемпионатларда катнашучыларның 40 процентына кадәре ярыштан соң бер ел эчендә эшкә урнаша. Бу хәрәкәт стереотипларны җимерергә ярдәм итә: инвалидлыгы булган кеше җәмгыять һәм эш бирүче күзендә башкалар карамагында яшәүче түгел, ә квалификацияле белгеч булып күренә.
Ил икътисады өчен дә бу - зур ресурс.
Инвалидлыгы булган кешеләрне хезмәт эшчәнлегенә җәлеп итү социаль системаларга йөкләнешне киметә һәм эшче һөнәрләренә кадрлар ихтыяҗын капларга ярдәм итә.
Нет комментариев