Лаеш районы укучылары МХО катнашучысы белән таныштылар

Очрашуны тәрбия буенча директор киңәшчесе Людмила Шерстнева, Яшь армия отряды җитәкчесе Эдуард Лабинцев һәм 3 «В» сыйныф җитәкчесе Флера Вәлиева оештырды.

Балалар концерт программасы әзерләделәр, ә соңыннан очрашу тере әңгәмә форматында узды. Бу буыннар сөйләшүе генә түгел, ә мөһим вакыйгаларда катнашкан һәм катнашачак кеше авызыннан тарихны белү мөмкинлеге иде.

Балалар, тын да алмыйча, геройның сөйләгәнен тыңладылар, шуннан соң төрле сораулар бирә башладылар. Аларны барысы да кызыксындыра иде. Мәсәлән, сугышчыларның бер-берсенә ничек ярдәм итүләре, буш вакытларын ничек үткәрүләре һәм ул гомумән бармы, аларның нинди шартларда яшәве, ничек һәм нәрсә белән тукланулары турында кызыксындылар. Аларга сугышчы бик гадел һәм ачыктан-ачык җавап бирде.

Тыңлаучылар эш көннәре, Россия хәрбиләренең батырлыклары, хәрби махсус операцияләрдә катнашу турында ишеттеләр. Хәрби хезмәткәр шулай ук балаларга намуслы укырга, яңа технологияләрне үзләштерергә, спорт белән шөгыльләнергә, сәламәт яшәү рәвеше алып барырга, ә иң мөһиме игелекле булырга һәм һәрвакыт кеше булып калырга кирәклеген билгеләп үтте.

Бу очрашуда иң дулкынландыргыч нәрсә —балаларның чын герой-якташыбызны күрүләре, ул беренче чакырылыш вакытында Ватанны, ил, гаилә, балалар, киләчәк хакына яклауга басты.

Чара азагында укучылар кызыклы хикәяләре өчен рәхмәт белдерделәр, герой белән истәлеккә фотога төштеләр һәм сәламәтлек, көч, батырлык һәм тизрәк өйгә кайтуларын теләделәр. Очрашу һәркем өчен дулкынландыргыч һәм истә калырлык булды. Мондый очрашулар үз илең өчен горурлык хисе тәрбияләргә ярдәм итә.

Мәктәп коллективы офицерга уңышлар һәм тизрәк җиңү белән кайту тели.
Фото: Г.Р. Державин исемендәге Сокуры мәктәбе