Авылда яшәүчеләр үзара салымның уңай якларын күрәләр

Автор фотосы

Авыл мәдәният йорты фойесендә район башлыгы Илдус Зариповны, башка кунаклар һәм җирлек халкын авылда яшәүчеләр казанышлары һәм продуктлары күргәзмәсе каршылады.

Зур булмаган патриотик концерттан соң Державино авыл җирлеге башлыгы Исламия Камалиева үзенең узган елдагы эшчәнлеге турында хисап тотты.

Җирлектән ике кеше махсус хәрби операция зонасына мобилизацияләнгән, алар хәзерге вакытта илебез бәйсезлеген саклыйлар. Җитәкчелек һәм Державино авылында яшәүчеләр сугышчылар гаиләләренә көчтән килгәнчә ярдәм итәләр.

Җирлектә яшәүчеләр саны елдан-ел арта. Отчет чорда биш бала туган, 525 граждан теркәлгән.

2022 елда җирлек бюджетының керем өлеше 109,6%ка үтәлгән. 654,7 мең сум өстәмә табыш алынган. Державино төп белем мәктәбе 500 мең сум күләмендә грант откан, ул акчаларга оргтехника, милли костюмнар һәм җиһазлар алынган. Могҗизалар тудыручы Николай чиркәве мәхәлләсе дә грант откан, аның буенча заманча музей киңлеге оештырылачак.

Урам челтәрләре төзелеше программасы буенча Җәббәров урамында 720 метр юлга асфальт җәелгән һәм юл билгеләре урнаштырылган. Әмма автомобиль хәрәкәте интенсивлыгы арту сәбәпле ясалма тигезсезлекләр булдыру зарурлыгы барлыкка килгән.

Халыкны су белән тәэмин итү ихтыяҗы арту уңаеннан, аеруча җәйгеге чорда, өченче суэтем башня борауланган. Ул тиешле барлык җиһазлар урнаштырылгач һәм кирәкле эшләр үткәрелгәч кенә эшли башлаячак. Урамнарның караңгы урыннарына һәм отчет чорда төзелгән яңа балалар мәйданчыгына өстәмә яктырткычлар урнаштырылган.

Җирлек өчен бер сумга республика тагын дүрт сум биргән үзара салым акчалары зур ярдәм булып тора. Отчет елда җыелган акчаларга 914 метр озынлыкта суүткәргеч салынган, колонка, ике бик һәм биш кое урнаштырылган. Җәббәров һәм Казан урамнарына суүткәргеч сузу тәмамланган.

Җирлектә яшәүчеләр яңа эшләрне актив яклыйлар һәм көчләреннән килгәнчә финанс ярдәме күрсәтәләр. 2022 елның декабрендә булган гражданнар җыенында чиратта җыеласы акчаларны Агайбаш урамында 843 метр суүткәргечне алыштыруга (узган елда башланган эшне дәвам итеп), шулай ук православие зиратын төзекләндерүгә һәм аңа килү юллары төзүгә  тотарга ниятлиләр.

Җирлек халкы белән очрашу авылның актив һәм инициативалы кешеләрен бүләкләү белән тәмамланды.