Лаеш районы эзләүчеләре 1942 елда егылып төшкән самолетны эзләүдә катнаштылар

Семинар-практикумда өч көн дәвамында Удмуртия, Татарстан һәм Свердловски өлкәсе эзләүчеләре аралашты.

Беренче көнне катнашучылар Удмуртиянең Алнаш районы тарихы белән таныштылар. Алар берничә музейда булдылар. Эзләүчеләр район тарихы һәм Удмуртиянең данлыклы кешеләре белән танышудан тыш музей җитәкчеләре, крайны өйрәнүчеләр һәм Алнаш мәктәбе укучылары алдында Россия эзләүчеләр хәрәкәте турында сөйләделәр һәм «Небо России» проектын тәкъдим иттеләр.

Көзли тиз караңгылана, әмма семинар-практикумда катнашучыларның бер өлеше 1942 елда ДБ-3Ф самолетының якынча төшкән урынына юл алдылар. Аларга һава судносының төшкән урынын табарга, моны күргән өлкән яшьтәге шаһитләр белән аралашырга кирәк иде. Җирле халык сөйләгәнчә, бомбардировщик Алнаш районының Абышево авылы тирәсендә төшкән.

Эзләүчеләр төркемнәргә бүленделәр һәм урынны тикшерә башладылар. Эшләр барышында эрегән алюминий кисәкләре табылды, әмма күп түгел, ләкин аларның самолет кисәкләре булуын әлегә ачыклап булмады. Урында эзләү эшләре туктамады. Балаларның бер өлеше якын тирә авылларда яшәүчеләр белән сөйләшә, бәлки 1942 елдагы вакыйгалар турында өстәмә мәгълүматлар ачыкланыр. Хәтта иң кечкенә деталь дә эзләүчеләр эшенә ярдәм итә ала.

«Долг» иҗтимагый оешма фотолары.