Никольскийда яңа завод ачылды
«Никольский» сәнәгать паркы базасында «Полипласт-Казан» ЧҖҖнең яңа заводы файдалануга тапшырылды, ул “Полипласт” эре химик холдингка керә.
Масштаблы сәнәгать төзелеше проектлары өчен кирәкле бетонга инновацион өстәлмәләр җитештерү линиясе тест режимында Никольский авылында старт алды.
Мария Павлова
Фото: район матбугат хезмәте
Яңа җитештерүне, символик рәвештә кызыл тасманы кисеп, Лаеш районы башлыгы Илдус Зарипов, Татарстан Республикасы төзелеш, архитектура һәм торак-коммуналь хуҗалык министры урынбасары Илшат Гыймаев һәм «Полипласт» ЧҖҖ генераль директоры Александр Ковалев (фотода сулдан уңга) ачтылар.
Компания продукциясенә Идел буе федераль округының барлык территориясендә сорау зур. Объектның җитештерү егәрлеге елына 10 мең тонна өстәмә тәшкил итәчәк. Объектның гомуми мәйданы 10 000 кв.м, төзелеш өчен мәйдан 2424,6 кв.м. Объектны төзү һәм эшләтеп җибәрү өчен кертелгән инвестицияләр күләме 300 миллион сумнан артык тәшкил итте.
"Полипласт Новомосковск" - бетонга һәм төзелеш эремәләренә югары технологияле өстәмәләр җитештерү буенча Россиядә иң эре заводларның берсе. Татарстанның Лаеш районында яңа завод ачу «Полипласт» компаниясенең Россиядәге көндәшлек позицияләрен ныгытачак.
Предприятие клиентларның катлаулы төзелеш проектларын гамәлгә ашыру өчен кирәкле таләпләренә җавап бирә торган бетонга заманча өстәмәләр кертүне тәэмин итәчәк.
Следите за самым важным и интересным в Telegram-каналеТатмедиа
Нет комментариев