15 сентябрьдә Лаешта студентлар арасында «Автосессия-2023» республика машина йөртү осталыгы конкурсының муниципаль этабы узды.
«Юл хәрәкәте иминлеге» ДБУның әйдәп баручы белгече Гөлшат Зәйнуллина аңлатма бирә.
— Балалар үзләренең белемнәрен һәм осталыкларын ике этапта күрсәттеләр: «Юл хәрәкәте кагыйдәләре» һәм «Мәйданчык». Иң яхшы нәтиҗәне Аяз Минһаҗев күрсәтте. Икенче урында — Андрей Чистяков, Эмиль Әүхәдиев — өченче булды.
Конкурс Лаеш районы ЮХИДИ һәм ДОСААФ белән берлектә «Юл хәрәкәте иминлеге» ДБУ тарафыннан оештырылды.
Иганәче ДБУ «Юл хәрәкәте иминлеге».
Фотоны Гөлшат Зәйнуллина бирде.
Нет комментариев