Лаешның №2нче мәктәбе командасы “Форпост” яшьләр берләшмәләре спартакиадасы зона этабында бронза призер булды.
Фото “Воспитание Лаишево” сайтыннан
“Форпост” яшьләр берләшмәләре Республика спартакиадасының зона этабы Лаеш техник-икътисад техникумы базасында үтте.
Анда Лаеш, Питрәч, Яшел Үзән, Балтач, Теләче һәм Арча районнары катнашты. Безнең район данын Советлар Союзы Герое Б.К. Кузнецов исемендәге №2 мәктәпнең яшь армиячеләр командасы яклады.
Спартакиадада катнашучылар автомат сүтү-җыюда, мишеньгә атуда, гер күтәрүдә, граната ыргытуда, 100 метрга һәм 3 километрга йөгерүдә, аркан тартуда көч сынаштылар. Лаешның №2 урта мәктәбе яшь армиячеләре лаеклы чыгыш ясадылар һәм гомумкоманда исәбендә 3 урын алдылар.
Нет комментариев