13-17 яшьлек кызлар һәм егетләр арасында авыр атлетика буенча ТР беренчелегендә тренерлар Альберт Әхмәров һәм Алиев Вугар Кадыйр улында тәрбияләнүчеләр искиткеч нәтиҗәләр күрсәтте.
Ярышлар 2023 елның 12-15 гыйнварында Бөгелмәдә узды, анда республиканың спорт мәктәпләреннән Татарстанның иң көчле 90нан артык спортчысы килгән иде. Лаеш районы Лаеш спорт мәктәбеннән дүрт авыр атлет катнашты.
- Дүртесе дә югары дәрәҗәдә әзерлек күрсәттеләр,- дип аңлатты Лаеш спорт мәктәбе директоры Дмитрий Окунев. – Һәрберсе дә өйләренә алтын медаль белән кайтты. Кайбер спортчылар өчен бу ярыш беренчесе булды. Әмма егетләр дулкынлануларын җиңеп, лаеклы чыгыш ясый һәм беренче урыннарны алдылар.
Безнең медаль ияләре
- Сабира Бортникова, авырлык категориясе 64 кг. (ыргым 45 кг., этеп күтәрү 55 кг.), тренер Альберт Әхмәров.
- Рамзан Зотин, авырлык категориясе 55 кг. (ыргым 56 кг., этеп күтәрү 66 кг.), тренер Алиев Вугар Кадыйр улы.
- Данил Старенченко, авырлык категориясе 89 кг. (ыргым 55 кг., этеп күтәрү 70 кг.), тренер Алиев Вугар Кадыйр улы.
- Александр Кузнецов, авырлык категориясе 102 кг. (ыргым 50 кг., этеп күтәрү 60 кг.), тренер Алиев Вугар Кадыйр улы.
Без авыр атлетларны җиңүләре белән котлыйбыз. Көндәлек тренировкалар шатлык һәм үз-үзеңә ышаныч алып килсен, ә хезмәт өчен бүләк - лаеклы җиңү булсын.
Нет комментариев