Битлексез ярамый

Коронавирусның икенче дулкыны кешеләрнең битлек режимына күнеккәнлеген күрсәтте.

«Ничектер матур күренмим» яки «мине куркак дип санарлар», дип кыенсынулар үтте. Бу - җитди авырудан профилактика чарасы икәнен аңлау килде.

Россия ЭЭМның Лаеш районы бүлеге хезмәткәрләре профилактика чараларын бозу очраклары көннән-көн кими бара, дип билгеләп үтә. Моны районның җәмәгать урыннарында һәм сәүдә нокталарында узган чираттагы рейд та күрсәтте.

Битлек кию мәҗбүри:

халык күпләп җыела торган урыннарда булганда;

җәмәгать транспортында йөргән вакытта;

ОРВИ белән авыручыларны караганда яки ОРВИ билгеләре булган затлар белән аралашканда;

һава-тамчы юлы белән тапшырыла торган башка инфекцияләр белән зарарлану куркынычы булганда.