Бүген Лаеш хастаханәсенең бала тудыру йортыннан яңа туган Мәдинә Низамованы чыгардылар. Гади генә кыз кебек, тик ул журналистларның игътибарын җәлеп иткән, ә аның әти-әнисеннән интервью алалар.
Статистика күрсәткәнчә, ул - 2020 ел башыннан Лаеш районында туган йөзенче бала. Аның әти-әнисе Лаеш техникумында белем алганда танышалар. Өйләнешәләр, Хәербидә төпләнәләр, чөнки яшь гаилә башлыгы шунда туган. Ә тиздән Салават һәм Назинә Низамовлар гаилә ишәюне көтә башлыйлар. Кызлары 30 августта туа. Әти-әнисе өчен аның районда туган йөзенче сабый булуы көтелмәгән хәл була. Алар, бераз кыенсынып, котлаулар һәм бүләкләр кабул иттеләр. Әни кеше баланы Балык Бистәсендә дә таба алган булыр иде - аның ватаны анда. Ләкин ул Лаеш үзәк район хастаханәсен сайлаган. Һәм хаталанмаган: бала тудыру бүлегенең игътибарлы һәм профессиональ командасы аңа бик ошаган. Бу хакта ул интервьюда сөйләде.
Нет комментариев