Владимир Путин киләсе 2024 елны Гаилә елы дип игълан итте

«Гаиләне яклау, традицион гаилә кыйммәтләрен саклау өлкәсендә дәүләт сәясәтен популярлаштыру максатыннан, 2024 елда Россиядә Гаилә елын уздырырга карар итәм», — диелә документта.

Дәүләт башлыгы кушуы буенча 27 декабрьгә кадәр Гаилә елын үткәрү буенча оештыру комитеты төзелергә тиеш, аның рәисе итеп вице-премьер Татьяна Голикова билгеләнде һәм аны үткәрү буенча төп чараларны финанслау чыганаклары билгеләнде.