Лаеш районы Башлыгы Илдус Зарипов ЛХРда якташ-хәрби хезмәткәрләр белән очрашты

Илдус Зарипов хәрби часть командованиесе вәкилләре белән аралашты, солдатларның көнкүреше ничек җайга салынганын карады.

-Егетләр әфәрин, карашлары сугышчан! - дип сөйли Илдус Зарипов. - Алар районда яшәүчеләргә сәлам тапшырдылар. Ә без аларның барысын да җиңеп, исән-сау өйләренә кайтуларын көтәбез!

Илдус Зарипов белән бергә ЛХРга Лаеш районы хәрби комиссары Александр Афанасьев һәм район Советы Аппараты җитәкчесе Рамил Гарифуллин килде. Алар безнең сугышчыларга районнан, Лаеш эшкуарларыннан, туганнарыннан һәм битараф булмаган кешеләрдән гуманитар ярдәм тапшырдылар. Мобилизацияләнгәннәргә чираттагы УАЗ (буханка) автомобиле, кирәкле техник чаралар, мотопомпалар, термобелье, дождевиклар, рацияләр, бинокльләр, көнкүреш әйберләре, туганнарыннан һәм якыннарыннан азык-төлек һәм хатлар, шулай ук район укучыларыннан "Солдатларга хатлар" һәм Изге амулетлар тапшырылды.

Александр Афанасьев билгеләп үткәнчә, мобилизацияләнгәннәрнең барысы да тулысынча  кирәкле әйберләр белән тәэмин ителгән. Ул шулай ук  Луганск Халык Республикасында хезмәт итүче улы белән аралашты.

Мондый очрашулар хәрбиләр өчен мөһим, алар районның үз егетләренә ярдәм итүен,  аларны көтүен һәм яратуын күрәләр.

Район матбугат хезмәте фотосы.