Рөстәм Миңнеханов: Татарстаннаң СВОга гуманитар ярдәме турында

Ул ассызыклаганча, СВО зонасына гуманитар йөк күләме 4 мең тоннадан артып киткән. Моннан тыш, Татарстанда оешкан барлык бүлекчәләр җиһазлар һәм техника ала.

Бу эшкә барысы да кушылды: безнең предприятиеләр һәм оешмалар, муниципалитетлар һәм депутатлар корпусы, «Помощь рядом! Ярдәм янәшә!», Халык фронты, «Игелекле Казан», республика ДОСААФы, дини оешмалар һәм дистәләгән волонтерлык берләшмәләре кушылды«, — диде Миңнеханов.

Татарстан Рәисе Лисичанск һәм Рубежный шәһәрләрендә катлаулы шартларда эшләүче ТР Премьер-министры урынбасары Евгений Варакин командасына рәхмәт белдерде. Шулай ук ТР сугышчыларына ярдәм итүче барлык битараф булмаган гражданнарга да рәхмәт белдерде.

«Бүген безнең белән залда Бөгелмә районыннан Таисия Балаева, ул үз акчасына „УАЗ“ автомобилен сатып алып, сугышчыларыбызга тапшырды; Әлмәт районыннан Илдар Зарипов — үзе тактик җиһаз элементлар ясый, Балык Бистәсе районыннан Айдар Гыймадиев дистәләгән генераторлар, мичләр һәм төрле җылыту җиһазлары әзерләп, зонага җибәрде, Яр Чаллыдан Светлана Гурлева СВО зонасындагы барлык республика бүлекчәләренә берничә миллион сумлык гуманитар ярдәм җибәрүне җайга салды», — дип билгеләп үтте ТР Рәис.