Татарстанда ярминкәдә ун көн эчендә фермерлар 789 миллион сумлык авыл хуҗалыгы продукциясен саткан

«Ун ярминкә нәтиҗәләре буенча 7315 тонна яшелчә, шул исәптән 4528 тонна бәрәңге, шулай ук 457,3 тонна сөт, 548,8 тонна шикәр, 770 тонна ит, шул исәптән 443,4 тонна сыер ите сатылган», — дип билгеләп үтелде азык-төлек һәм авыл хуҗалыгы министрлыгында.

Көзге авыл хуҗалыгы ярминкәләре 9 сентябрьдә эшли башлады һәм 23 декабрьгә кадәр дәвам итәчәк. Алар шимбә көннәрендә Казанның 14 мәйданчыгында, Чаллы һәм Яшел Үзән районының ике мәйданчыгында, Түбән Каманың өч мәйданчыгында һәм республиканың 26 районында төрле вакыт белән уза.