Лаеш картингчылары Байлар Сабасында узачак республика ярышларына әзерләнәләр

"Бүген без Хонда GX-270ны гаражыннан чыгардык. Бу картинг классы күпкә тизрәк һәм көчлерәк. 13 яшьтән өлкәнрәк балалар ярышларда катнашырга хокуклы. Уңышлар сезгә, команда”, -дип хәбәр итә “Кама ягы”на “Лидер” картинг-клубы җитәкчесе Линар Сәфәргалиев.

Лаеш районыннан Honda GX-200 классларында бик яшь узышчылар Виктор Кульментьев һәм Аяз Нурмөхәммәтов катнашачак. Honda GX-270 классында инде тәҗрибәле спортчы Александр Лапшин.

"Балалар ярышларга озак әзерләнделәр һәм минемчә, без ярышны лаеклы узарга тиешбез”, - диде Александр Лапшин.