Якшәмбе көнне, 2023 елның 15 гыйнварында, Лаешта яшәүче Антонина Ефимовна Чепелева туган көнен билгеләп үтте. Аңа 95 яшь тулды.
Денис Фролов фотосы һәм видеосы.
Фашистлар Советлар Союзына һөҗүм иткәндә Тоняга 13 яшь була. Ул крестьян гаиләсендә үсә, балачактан хезмәткә өйрәнә. Мөгаен, бу крестьян чыныгуы шул авыр шартларда исән калырга булышкандыр да. Сугыш озак укырга ирек бирми. Өч сыйныф – Тоняның барлык алган белеме. Шуңа күрә Антонина Ефимовнаның хезмәт стажы зур – 50 елга якын.
1953 елда кияүгә чыга. Озак еллар ире белән Үзбәкстанда яши, өч бала тәрбиялиләр.
Хәзер Антонина Ефимовна оныгының кайнанасында яши. Аның барлыгы алты оныгы һәм җиде оныкчыгы бар.
Хезмәттә казанышлары өчен Чепелева Антонина Ефимовна эш урыныннан күпсанлы грамота, юбилей медальләре белән бүләкләнгән, “Хезмәт ветераны” исеменә лаек булган.
Лаеш район башлыгы Илдус Зариповта котлау сүзләрен җиткерде.
Нет комментариев