Лаеш районының 100 еллыгына багышлап, Г. Р. Державин исемендәге Лаеш ягы музеена экскурсия оештырылды.
Лаеш балалар сәнгать мәктәбенең сәнгать бүлеге укучылары Лаеш районының бай тарихын — иң борынгы чордан алып бүгенге көнгә кадәр өйрәнделәр. Яшь кунакларда табигать залы экспозициясе аеруча зур кызыксыну уятты. Анда Татарстан территориясендә яшәүче кошлар, балыклар, күбәләкләр һәм хайваннарның муляжлары тәкъдим ителгән. Сәнгать бүлеге укучылары өчен бу экспонатлар белем бирү материалы гына түгел, булачак иҗади эшләре өчен дә күренекле әсбап булды. Экскурсия укучыларга туган якка яңача карарга һәм яңа иҗади фикерләр белән рухланырга мөмкинлек бирде.
Фото: Лаеш шәһәре Балалар сәнгать мәктәбе
Нет комментариев