Татарстан Рәисе республика студентларын Россия студентлары көне белән котлады

Татарстан Республикасы Рәисе Рөстәм Миңнеханов 25 гыйнварда билгеләп үтелә торган Россия студентлары көне алдыннан Татарстан студентларына җылы сүзләр белән мөрәҗәгать итте.
Telegram-каналда бастырылган котлау видеосында республика башлыгы яшьләргә кыю булырга, укырга һәм иҗат итүләрен теләде. Ул студентларны уңышка омтылырга, студент тормышындагы якты вакыйгалар белән ләззәтләнергә, акыллы остазлар һәм чын дуслар табарга өндәде.
«Россия студентлары көне», яки «Татьяна көне», императрица Елизавета Петровнаның 1755 елда Мәскәү университетын нигезләү турындагы указына кул куюына туры килә. Бу бәйрәм студентлар тормышында мөһим вакыйга булып тора һәм бөтен ил буйлап билгеләп үтелә.