Холокост корбаннарын искә алу көне алдыннан Пәрәү мәктәбенең тәрбия буенча директор киңәшчесе Алинә Зәйнуллина алтынчы сыйныф укучылары белән «Тарих детальләрдә» дигән тарихи квест үткәрде.
Квест башланыр алдыннан QR-кодлар әзерләнде, алар тарихның катлаулы сорауларын чишү өчен ачкыч булды. Укучыларга сораулар бланкы бирелде, алар кодларны сканерлап һәм эчтәлекләрен тикшереп җавап табарга тиешләр иде. Һәр код мөһим фактларга, корбаннарның шәхси тарихларына һәм шул чор вакыйгаларына алып барды.
Командалар Холокост фаҗигасенең бербөтен картинасын төзеп,табылган мәгълүмат турында бер-берсе белән фикер алышып тырышып эшләделәр. Бу процесста алар үз белемнәрен тирәнәйтеп кенә калмадылар, бәлки корбаннар турында истә тотуның һәм киләчәк буыннар өчен тарихи хәтерне саклауның мөһимлеген аңлап, кайгырырга өйрәнделәр. Квест ишеткәннәрне тикшерү белән тәмамланды, һәр укучының йөрәгендә һәм акылында мөһим эз калдырды.
Бу квест үткәндәге фаҗигале вакыйгалар турында күбрәк белү ысулы гына түгел, укучыларны яңа белемнәр белән баеткан белем бирү уены да булды.
Фото: Пәрәү мәктәбе
Нет комментариев