Бу хакта Лаеш районы Башлыгы Илдус Зарипов үз чатында белдерде.
— Лаеш районы барлык яклардан да актив үсеш ала — икътисад буенча да, торакны файдалануга тапшыру буенча да без алдынгы позициядә торабыз. Әлбәттә, энергетикасыз үсеш мөмкин түгел, — дип яза Илдус Фатыйхович.
— Энергетика тармагы — ул, беренче чиратта, халкыбызның уңайлылыгы һәм иминлеге өчен нигез. Икенчедән, бизнесны үстерү өчен. Сыйфатлы һәм ышанычлы электр белән Каип, Кызыл Ил, Тургай — 2, Сокуры, Зимняя Горка, яңа коттедж поселоклары тәэмин ителәчәк.
«Челтәр компаниясе» ААҖ генераль директоры Илшат Шәех улы Фәрдиевка зур рәхмәт. Команда тиз, оператив һәм сыйфатлы эшләде.
Подстанция тулысынча ватан материалларыннан һәм җиһазларыннан төзелгән, автоматлаштырылган, барлык заманча таләпләргә туры килә. Аны төзүдә катнашкан һәркемгә рәхмәт.
Нет комментариев