Зөһрә Лезина: ә күбәләкләр туп-туры битләргә утырдылар.

Зөһрә Лезина сөйли. 
Безне җылы, ачык йөз белән каршы алдылар. Мемориал мөдире Ольга Гришукова мемориал һәм Җиңү паркы турында сөйләде. Кинолог, отставкадагы милиция майоры һәм канистерапия ысулы буенча махсус әзерләнгән этләр кулланып, сәламәтлек мөмкинлекләре чикләнгән балалар белән эшләү буенча волонтер Дмитрий Лудин белән очрашу булды.

Дмитрий Николаевич үзенең дүрт аяклы дустын-Цента исемле этен алып килгән. Балаларга этләр турында сөйләде, аларның сорауларына җавап бирде. Очрашу азагында Ольга Николаевна безнең балалар белән викторина үткәрде. 

Моннан тыш, безне бәйрәм белән «Позитив» хореография ансамбле (җитәкчесе Фәридә Сәгиева) котлады, ул бию буенча мастер-класс күрсәтте. Безнең тәрбияләнүчеләргә бу файдалы да, мавыктыргыч та очрашу озак истә калачак.

Без тагын Җиңү паркында булдык. Казаннан хәйрияче Ленар билетлар алган күбәләкләр паркында зур тәэсир алдык.
Без зур тропик күбәләкләрне кулыбызга алдык, алар безнең йөзгә, кулларга утырдылар. Экскурсовод аларга өй шартларында нәрсә ашатулары, тумышлары белән кайдан булулары турында сөйләде, аларның һәркайсының исемен санап чыкты һәм безнең балалар тагын бик күп кызыклы нәрсәләр белделәр. 

Без күргәннәребез турында фикер алышып һәм үз хис-кичерешләребез белән уртаклашып, зур тәэсирләр астында өйгә кайттык.