Үзизоляциядән соң картингистлар күнегүләр ясыйлар
Лаешның “Лидер” картинг-клуб командасы җиңүләргә омтыла
Картингистлар үзизоляцияне алуларын түземсезләнеп көттеләр.
Яшь узышчылар беренче күнегүләргә бәйрәмгә килгән кебек килделәр. Табигый ки пандемия чорында барлык иминлек чараларын сакладылар: битлекләр, социаль ара. Республика юлларында үзләрен бер генә мәртәбә танытмаган спортчылар күнегүләргә җыелдылар.
-Алар мәйданчыкта тизлектә йөртүнең барлык алымнарын күрсәттеләр. Аларның күнегүләргә җитди караулары сөендерә. Булдыралар, - дип аңлатма бирде картинг-клуб җитәкчесе, мәктәптән тыш эшләр үзәге педагогы Линар Сәфәргалиев.
Исегезгә төшерәбез, Лаеш узышчыларын Лаештан читтә дә беләләр. Алар республика ярышларында бер тапкыр гына уңышлы чыгыш ясамадылар, ә 2019 елның октябрендә Чаллыда үткән бөтенроссия узышларында да үзләрен таныттылар.
Укучыларыбыз картинг-клубка кайда һәм нинди яшьтән язылырга була дип сорыйлар. Аларның сорауларына Линар Сәфәргалиев җавап бирә:
-Лаеш районы мәгариф идарәсендә язылырга була. Өйрәтүгә кабул итү яше – 9 яшьтән. Сәламәтлек торышы буенча барлык белешмәләр булу шарт.
Следите за самым важным и интересным в Telegram-каналеТатмедиа
Нет комментариев